इंग्लिस प्रिमियर लिग फुटबलमा आर्सनलले कठिन जित निकालेको छ ।
आज भएको खेलमा आर्सनलले एभर्टनमाथि १–० गोल अन्तरको जित दर्ता गरेको हो ।
आर्सनल जारी लिगमा अपराजित रहेको छ । आर्सनलले पहिलो हाफ भने गोलरहित बराबरी खेलेको थियो ।
६९ औं मिनेटमा लियानार्दो ट्रोसान्डले गरेको गोल नै निर्णायक बन्न पुग्यो ।
उनले बकायो साकाको सहयोगमा गोल गर्दै आर्सनललाई अग्रता दिलाएका थिए । सोही अग्रा अन्तिमसम्म कायम राख्दै ३ अंक लिन सफल भयो ।
आर्सनल ५ खेलबाट १३ अंकका साथ अहिले तालिकाको चौथो स्थानमा उक्लिएको छ ।
पराजित भएको एभर्टन भने १ अंकका साथ १८ औं स्थानमा छ ।
प्रिमियर लिगमा म्यानचेस्टर सिटी १५ अंकका साथ शीर्ष स्थानमा रहँदा टोटनह्याम, लिभरपुल र आर्सनलको समान १३ अंक रहेको छ ।
