जर्मन बुन्डेसलिगामा बार्यन म्युनिखले बायरलिभरकुसेनसँग बराबरीमा चित्त बुझाउँदा हेरी केनले भने करियरको तीन सयौं गोल गर्न सफल भए ।
यो सिजनमा शिर्ष स्थानका लागि निकै राम्रो प्रदर्शन गरिरहेको लिभरकुसेनसँग बार्यनले दुई दुई गोलको बराबरी खेल्यो । खेलको सातौं मिनेटमा नै बार्यनका लागि केनले गोल गर्दै टिमलाई अग्रता दिलाएका थिए । उनले डिबक्स भित्रबाट गरेको सो गोलका कारण उनी बुन्डेसलिगामा सुरुवाता चार खेलमा लगातार गोल गर्ने पहिलो खेलाडी बनेका छन ।
तर बार्यनको सो अग्रता धेरै बेर टिक्न सकेन । खेलको २४ औं मिनेटमा लिभरकुसेनका लागि ग्रिमाल्डोले गोल गर्दै खेल बराबरी गरे ।
पहिलो हाफ एक एक गोलको बराबरी भएको खेलको ८६ औं मिनेटमा बार्यनले फेरी अग्रता बनायो । उसका लागि र्गोजाकाले गोल गरे । खेलको इन्जुरी समयमा पालसियोसको गोलमा लिभरकुसेनले खेल बराबरी गर्यो । यो बराबरीपछि लिभरकुसेन र बार्यनको समान १० अंक भएपनि गोल अन्तरका आधारमा लिभरकुसेन शिर्ष स्थानमा छ ।
केनले क्लब करियरमा ३०० गोल पुरा गर्दा दुई सय ८० गोल टोटनहमबाट, नौं गोल मिलवालबाट, पाँच गोल लेटोन ओरियन्ट र चार बार्यन तथा दुई गोल लेस्टर सिटीका लागि गरेका थिए ।
