दक्षिण अफ्रिकाविरुद्धको तेस्रो एक दिवसीय क्रिकेटमा इंग्ल्याण्ड विजयी भएपछि क्लिनस्वीप हुनबाट जोगिएको छ ।
लगातार २ खेल गुमाएको इंग्ल्याण्डले सिरिज २–१ ले घरेलु टोली दक्षिण अफ्रिकालाई सिरिज सुम्पियो ।
टस हारेर पहिला ब्याटिङ गरेको इंग्ल्याण्डले निर्धारित ओभरमा ७ विकेट गुमाएर ३४६ रन बनाएको थियो ।
इंग्ल्याण्डका दुई खेलाडीले शतकीय पारि खेले । ओपनिङ आएका डेभिड मलान ११८ रन बनाएर पभेलियन फर्किएका थिए भने मध्यक्रममा कप्तान जोश बटलरले १३१ रनको सानदानर पारि खेले ।
यसैगरी मोइन अलिले ४१ रन बनाउँदा साम कुरान र आदिल रसिदले ११–११ रन बनाए ।
दक्षिण अफ्रिकाका लुंगी एनगिडीले ४ विकेट लिँदा माक्रो जेनसनले २ विकेट लिए ।
जवाफमा घरेलु टोली दक्षिण अफ्रिका ४३.१ ओभरमा २८७ रनमा रोकिन पुग्दा इंग्ल्याण्ड ५९ रनले विजयी भयो ।
उसका लागि हेनरिच कलासेनले सर्वाधिक ८० रन बनाउँदा रेजा हेन्डरकिले ५२ रन बनाए ।
यस्त एडेन मार्करमले ३९ रन जोड्दा टेम्बा बामुभाले ३५ रन बनाए ।
इंग्ल्याण्डका जोफ्रा आर्चरले ६ विकेट लिए । यसैगरी आदिल रसिदको नाममा ३ विकेट रह्यो ।
