बाना कप फुटबलकालागि सुदुरपश्चिमको नयाँ जर्सी सार्वजनिक, आयोजकको तयारी पुरा

  • Image नेप्लेज
  • २८ श्रावण २०७९, शनिवार
  • 1067 पटक हेरिएको
बाना कप फुटबलकालागि सुदुरपश्चिमको नयाँ जर्सी सार्वजनिक, आयोजकको तयारी पुरा

बाल्टिमोर एसोसियसन अफ नेप्लिज इन अमेरिका (बाना) को आयोजनामा हुन लागेको बाना कप फुटबल प्रतियोगिताका लागि सुदुरपश्चिम फुटबल क्लबको जर्सी सार्वजनिक भएको छ । यसका साथै प्रतियोगिताको तयारी पनि पुरा भएको छ । 

बाना कपको तयारी पुरा गरेको सुदुरपश्चिम फुटबल क्लबले प्रतियोगिताका लागि आफ्नो जर्सी सार्वजनिक गरेको हो । टिमको जर्सीलाई रियल स्टेट कम्पनी अनेष्टले प्रायोजन गरेको हो । 

टिमको प्रशिक्षण अगाडी भएको कार्यक्रममा टिमको जर्सीलाई बानाका अध्यक्ष सुबाध बिलास पन्त, सुदुरपश्चिम समाज बाल्टिमोरका अध्यक्ष दमनबिक्रम शाहका साथै अनेष्टका सहमालिक उत्सव सिग्देलले संयुक्त रुपमा सार्वजनिक गरे । यसका साथै टिमका कप्तानलाई पनि जर्सी हस्तान्तरण गरिएको थियो । कार्यक्रममा सुदुरपश्चिम समाजका बिभिन्न ब्यक्तिहरुको सहभागिता रहेको थियो । 

यसअघि आयोजक बानाको टिमको आधिकारिक जर्सीपनि सार्वजनिक गरिएको थियो । सो जर्सीलाई हाम्रोपात्रो रेमिटले प्रायोजन गरेको थियो ।
पहिलो संस्करणका रुपमा हरेको बाना कपमा आठ टिमको सहभागिता रहेको छ । जसमा समुह ए मा चार र समुह बी मा चार टिमको सहभागिता रहेको छ । 

दुई दिन हुने प्रतियोगिताको पहिलो दिन नै समुह चरणका खेलहरु सकिनेछन । जसमा उद्घाटन खेलमा बाना र सीइसी एफसीबिच खेल हुनेछ । यस्तै सुदुपश्चिमको पहिलो खेल नेप्रिकनसँग रहेको छ । 

प्रतियोगिताको विजेताले दुई हजार पाँच सय ५५ अमेरिकी डलर पाउनेछन भने उपविजेताले एक हजार पाँच सय ५५ अमेरिकी डलर पाउनेछन । 

सम्बन्धित खबर