भारत र इंग्ल्याण्डबिचको पाचौं टेष्ट आजबाट
- नेप्लेज
- |
- २०७९-०३-१७
- |
- 334 पटक हेरिएको
भारत र इंग्ल्याण्डबिचको पाचौं टेष्ट सिरिजको अन्तिम भिडन्त आजबाट बर्मिंघममाको एजबेस्टन स्टेडियममा सुरु हुँदै छ ।
यो सिरिजका चार टेष्ट अघिल्लो वर्ष नै खेलिएको थियो । पार्चौ टेष्ट भने कोरोनाका कारण स्थगित गरिएको थियो ।
१० महिनापनि सो टेष्ट आजबाट बर्मिंघममा सुरु हुनेछ । यस पटक भारतको कप्तानी फास्ट बलर जसप्रीत ब्रुमाहले गर्नेछन् ।
भारतका कप्तान रोहित शर्मामा कोरोना सक्रंमण भएपछि कप्तानको जिम्मेवारी ब्रुमाहलाई दिइएको हो । कोरोनाका कारण सिरिज स्थगित हुँदा भारत २–१ ले अगाडी थियो ।
भारतले यो टेष्ट जितेमा एकै साथ धेरै रेकर्ड बन्नेछ ।
९० सालको इतिहासमा भारतले ५ टेष्टको श्रृंखलामा इग्ंल्याण्डविरुद्ध कुनैपनि सिरिज जित्न सकेको छैन् ।
१५ वर्षमा भारतले इंग्ल्याण्डको घरेलु मैदानमा यो पहिलो जित हुनेछ ।
५५ वर्षदेखि बर्मिंघममा इंग्ल्याण्डले जित्दै आएकोमा भारतले जितेमा त्यसमा ब्रेक लाग्ने छ ।
भारतीय टोलीले १९६७ मे मा पहिलो पटक टेष्ट खेलेको थियो ।
त्यस पछि अहिले सम्म बर्मिंघममा भारत र इग्ंल्याण्डबीच ७ टेष्ट भएको छ र कुनैपनि भारतले जित्न सकेको छैन् ।
६ सिरिजमा इग्ंल्याण्डले जितेको छ भने एक बराबरी भएको थियो ।