वेल्स कतार विश्वकपका लागि छनोट

  • Image नेप्लेज
  • २३ जेठ २०७९, सोमवार
  • 1703 पटक हेरिएको
वेल्स कतार विश्वकपका लागि छनोट

युक्रेनलाई एक शुन्यको झिनो अन्तरले हराउँदै वेल्स कतार विश्वकपका लागि छनोट भएको छ । सन् १९५८ बर्षपछि वेल्सले विश्वकपमा स्थान बनाएको हो । 

वेल्सले प्लेअफको अन्तिम खेलमा युक्रेनलाई एक शुन्यको झिनो अन्तरले हराउँदै विश्वकपमा स्थान बनाउन सफल भयो । कार्डिफमा भएको रोमाञ्चक खेलमा यार्मोलेन्कोको एक मात्र गोल निर्णायक बन्यो । 

चार दिन अगाडी सेमिफाइनलमा स्कटल्याण्डलाई हराएर फाइनलमा पुगेको युक्रेन अन्तिम खेलमा भने चुक्न पुग्यो । खेलमा वेल्सले पाएको अवसरलाई बारम्बार खेर फालेको थियो ।

खेलको ३४ औं मिनेटमा यार्मोलेन्कोले गोल गर्दै टिमलाई अग्रता दिलाए । अन्तिममा सोहि एकमात्र गोल निर्णायक बन्यो । 

यो खेलमा एक सय जना शरणार्थीलाई निशुल्क टिकट दिएर खेल हेर्न लगाइएको थियो । 

सम्बन्धित खबर