अस्ट्रेलियाविरुद्धको तेस्रो एक दिवसीय क्रिकेट, भारतलाई इज्जत जोगाउने चुनौती 

0

अस्ट्रेलिया टूरमा रहेको भारतीय टिमले तीन मध्य दुई वटा एक दिवसीय क्रिकेट खेलिसकेको छ र दुवै खेल गुमाउँदै सिरिज हातबाट फुत्काइ सकेको छ ।

अब वुधबार अन्तिम एक दिवसीय खेल्ने छ । त्यसपछि टी २० र टेस्ट सिरिजमात्रै बाँकी छ । घरेलु टोली अस्ट्रेलियाले उत्कृष्ट प्रदर्शन गर्दै भारतलाई दुई वटा एक दिवसीयमा पराजित गरेकाले अन्तिम एक दिवसीय पनि जित्दै सिरिज क्लिनस्वीप गर्ने दाउँमा हुँदा भारत भने सम्मानको लडाई भन्दै एक खेल जित्ने अभियानमा हुने छ ।

भारतले वुधबारको खेलमा केही परिवर्तन गर्ने सम्भावना भने रहेको छ । भारतीय बलरहरु लगातर असफल भइरहेका छन् । यस्तोमा मोहम्मद शमी र जसप्रित बुमराहमाथि प्रेसर रहेको छ । यस्तोमा एक खेलाडीलाई विश्राम दिने सम्भावना रहेको छ । त्यस्तै नवदीप सैनीको ठाउँमा शार्दुल ठाकुरले पनि स्थान बनाउन सक्छन् । टी नटराजन र कुलदीप यादव पनि खेल्ने सम्भावना उत्तिकै रहेको छ ।

भारतीय सम्भावित टिम
ब्याट्सम्यान  : शिखर धवन, मयंक अग्रवाल, श्रेयस अय्यर, विराट कोहली, हार्दिक पाण्ड्या ।
विकेट किपर : केएल राहुल
अलराउण्डर : रविन्द्र जडेजा
बलर : कुलदीप यादव, शार्दुल ठाकुर, टी नटराजन, जसप्रित बुमराह वा मोहम्म शमी ।

उता, अस्ट्रेलिया टिमका दुई खेलाडी डेविड वार्न र मार्कस स्टोइनिस घाइते भएकाले टिमबाट बाहिर भइसकेका छन् ।

यसैगरी तीब्र गतिका बलर पेट कमिन्सलाई तेस्रो एक दिवसीयमा आराम दिइएको छ । जसले गर्दा घरेलु टोली अस्ट्रेलियाले पनि बुधबारको खेलमा केही परिवर्तन गर्नुपर्ने छ ।

अस्ट्रेलियाकाे सम्भावित टिम
ब्याट्सम्यान : आरोन फिन्च, डार्सी शट, स्टीव स्मिथ मार्नस लाबुशेन ।
विकेट किपर : एलेक्स केरी
अलराउण्डर : ग्लेन म्याक्सवेल र मोजेज हेनरिक्स
बलर : मिचेल स्टार्क, जोस हेजलवुड, एडम जम्पा, केमरुन ग्रीन वा सीन अवाट ।

Post Add 1025X115
Loading...