नेपाली बक्सिङकाे अन्तर्राष्ट्रिय सहभागिताकाे सुरूवात, प्रशिक्षण नै अनाैठाे !

0

नेपालले अन्तराष्ट्रिय खेलमा सन् १९६४ देखि नै भाग लिदैँ आएको देखिन्छ । त्यस वर्ष टोकियोमा आयोजना भएको ओलम्पिकमा नेपाल ४ जना बक्सिङ्ग खेलाडीहरुले भाग लिएका थिए ।

त्यसपछि विभिन्न अन्तराष्ट्रिय बक्सिङ्ग प्रतियोगिताहरुमा र मैत्रीपुर्ण प्रर्दशन खेलहरुमा नेपाली बक्सिङ्ग खेलाडीहरुले भाग लिँदै आएका छन् ।

प्रतियोगिता                                                                                 खेलाडीहरुको नाम

१ ओलम्पिक खेल टोकियो सन् १९६४                                            सिंह थापा, रामप्रसाद गुरुङ, ओमबहादुर गुरुङ, र ओमप्रसाद पुन।
२ प्रतियोगितात्मक खेल पाकिस्तान सन् १९७३                               कृष्णबहादुर थापा मगर र रविराज थापा ।
३ आठौँ एशियाली खेल बैँकक सन् १९७८                                      पुष्करध्वज शाही र जितेन्द्रध्वज खाँड
४ ओलम्पिक खेल मस्को सन् १९७९                                              पुष्करध्वज शाही र उमेश मास्के ।
५ नवौँ एशियाली बक्सिङ्ग च्याम्पियनसिप सन् १९८०                       उमेश मास्के (तेस्रो स्थान प्राप्त) विष्णु मालाकार , नरेन्द्र पोमा ,नरबहादुर                                                                                                           योञ्जन ,इन्द्र बस्नेत,ओमप्रकाश रबि चामलिङ ।
६ छैठौँ किङ्स कप प्रतियोगिता बैँकक सन् १९८०                          नरेन्द्र पोमा र बि बि चामलिङ ।
७ मस्को ओलम्पिक मस्को सन् १९८०                                           पुष्करध्वज शाही र उमेश मास्क, रविराज थापा, नरेन्द्र पोमा र विष्णु मालाकार ।
८ मैत्री खेल सन् १९८१                                                                  पुष्करध्वज शाही, उमेश मास्के नरेन्द्र पोमा आदि ।
९ प्रथम राष्ट्रपति मार्कोस कप मनिला सन् १९८१                             उमेश मास्के नरेन्द्र पोमा र अरुण सिंह ।
१० नेपाल बङ्गलादेश मैत्री खेल काठमाण्डौँ सन् १९८१                     पुष्करध्वज शाही, उमेश मास्के नरेन्द्र पोमा ।
११ मैत्रीपूर्ण खेल कलकत्ता सन् १९८१                                             यमबहादुर थापा, दलबहादुर राना मगर उमेश मास्के,नरेन्द्र पोमा, नरबहादुर                                                                                                     योञ्जन,केशव श्रेष्ठ र विनोद बस्नेत ।

प्रतियाेगिताकाे तयारी

कुनै पनि खेलमा दक्ष एवं निपूर्ण खेलाडीहरुको उत्पादन गर्न प्रशिक्षणको जरुरत पर्दछ । बक्सिङ्ग त झन् यस्तो प्राविधिक खेल भएकाले प्रशिक्षण बिना कुनै पनि खेलाडीकाे दक्षता र कुशलता हासिल गर्न सकिदैन । नेपालमा बक्सिङ्ग खेलको सरुवात पनि बक्सिङ्ग प्रशिक्षणबाट नै भएको थियाे ।

भारतीय सेवामा रहँदा तालिम प्राप्त र स्कुलहरुमा बक्सिङ्ग प्रशिक्षण अभियान आरम्भ भएको थियाे । हालसम्म बक्सिङ्ग प्रतियोगिताहरुले विभिन्न संस्थामा रहेर प्रशिक्षण प्रदान गरेका थिए । सेवालाई जङ्गी र सार्वजनिक दुई भागमा विभाजित गरी बेग्लाबेग्लै प्रशिक्षण क्षेत्र निर्धारण गरिएकाे थियाे ।

त्याे बेला विदेशी प्रतियाेगिता खेल्न जाने खेलाडीका लागि २ तरिकाले प्रशिक्षण दिइएकाे थियाे । त्यसमा एक सेनाका खेलाडीलाइ र अर्काे सार्वजनिक सेवामा रहेका खेलाडीलाइ फरक तरिकाले प्रशिक्षण दिइएकाे थियाे । तर याे प्रचलन अहिले निकै फरक भइरहेकाे छ ।

प्रशिक्षण                                                                       सेवा स्थल                                 मिति

१ मेजर प्रेमबहादुर शाही                                              नेपाली सेना र प्रहरी सेवा                    सन् १९४४ देखि करीब १९६८
२ इन्दु थापा                                                                 प्रहरी तालिम केन्द्र                             वि सं २०२१–२०२८ साल सम्म
३ हरि बहादुर कार्की                                                    राष्ट्रिय सेवा दल, जङ्गी अड्डा                वि.सं २०२५–२०२८ साल सम्म
४ कुमार राई                                                               राष्ट्रिय सेवा दल, टुँडिखेल                    वि.सं २०२५–२०३० साल सम्म
५ जितेन्द्रध्वज खाँड                                                     राष्ट्रिय सेवा दल                                  वि.सं २०३२–२०३५ को बीचमा
६ इस्पेक्टर रविराज थापा                                             प्रहरी तालीककेन्द्र, महाराजगन्ज         वि.सं २०३७ देखि ९७ महिना जति
७ हस्तबहादुर थापा                                                     प्रहरी प्रधान कार्यालय,नक्साल             वि.सं २०३७ देखि हाल सम्म

सार्वजनिक सेवामा                                                प्रशिक्षण भएकाे स्थल                                  मिति
१ सुरेन्द्र सिंह आले                                                    कमल पोखरी बक्सिङ्ग क्लव                   २०१७–२०३५ सालसम्म
२ लक्ष्मण शमशेर थापा                                             कमल पोखरी बक्सिङ्ग क्लव                   २०२२ बाट हालसम्म
३ हीरा गुरुङ्ग                                                           हिमाली बक्सिङ्ग क्लव विशालनगर         २०२२ देखि २०३३ सम्म
४ भुवनसिंह गुरुङ्ग सेण्ट जेभिर्यस स्कुल                    जावलाखेल                                            २०२६ देखि २०२८ साल सम्म
५ मथुरादारा नेवा                                                     योङ् स्टार बक्सिङ्ग क्लव,जैसिदेवल        २०२८ साल सम्म
६ जितेन्द्रध्वज खाँड                                                 कमल पोखरी बक्सिङ्ग क्लव                   २०३२–२०३५ साल सम्म
७ एकबहादुर रानाभाट                                            कमल पोखरी बक्सिङ्ग क्लव                   २०३२–२०३३ सम्म
८ सुबोध घोष,                                                         राष्ट्रिय खेलकुद परिषद                          सन् १९८० देखि २ महिना मात्र
९ अमेरिकी साम                                                    हिकम्यान सोलिडरिटी कोर्सः रंङ्गशाला     सन् ९अप्रिल १–१५ सम्म

बक्सिङ्ग खेलको प्रशिक्षण र प्रचार–प्रसार कार्यक्रमलाई अझ नियमित र सुरक्षित बनाउने अभिप्रायले यही २०३८ सालदेखि राष्ट्रिय खेलकुद परिषदको निर्देशनमा अरु राष्ट्रिय खेलकुद संघहरुले झैँ नेपाल बक्सिङ्ग संघले पनि २ वर्ष बक्सिङ्ग खेल कार्यक्रमको तर्जुमा गरेको थयाे । त्यस अनुसार कार्यक्रम सञ्चालन गर्दै आएको थिए ।

कार्यक्रममा अधिराज्यका विभिन्न भागमा बक्सिङ्ग प्रशिक्षण, राष्ट्रिय प्रतियोगिता र अन्तराष्ट्रिय प्रतियोगितामा सहभागिता समेत समावेश गरिएको थियाे । जुनियर र सिनियर दुबै खेलाडीका लागि बेग्लाबेग्लै प्रतियोगिता गरिने, विदेशी खेलाडीहरुलाई निम्त्याई मैत्रीपूर्ण खेल प्रदर्शन गर्ने र विदेशी प्रशिक्षकहरुद्धारा पनि थप प्रशिक्षण दिलाई नेपाली खेलाडीहरुको खेलास्तर वृद्धि गर्ने जस्ता ठोस कार्यहरु कार्यक्रममा समावेश गरिएका थिए।

छोटकरीमा भन्ने हो भने नेपालमा बक्सिङ्ग खेलको आशातीत प्रगति भएको छ ,संस्थागत रुपमा सक्रिय तवरले २३१ सालदेखि मात्र बक्सिङ्ग खेलको विकास र विस्तार भएको थियाे । बक्सिङ्ग संघकै आयोजनामा २०३३ सालदेखि राष्ट्रिय बक्सिङ्ग प्रतियोगिताको आयोजना हुन थाल्याे ,२०३३ सालमा ‘नेपाल बक्सिङ्ग संघको पुनः संस्थापन भएपछि विभिन्न प्रतियोगिता र दुई वर्षसम्म लगातार  कार्यक्रम सञ्चालन गरिएकाे थियाे ।

Post Add 1025X115
Loading...