टोटनह्यामद्वारा प्रशिक्षक पोचेटिन्हो बर्खास्त

0

इंग्लिस क्लब टोटनह्यामले प्रशिक्षक माउरिसियो पोचेटिन्होलाई बर्खास्त गरेको छ । प्रिमियर लिगमा पछिल्लो समय टोटनह्यामले खराब प्रदर्शन गरेपछि क्लबले यो निर्णय लिएको हो ।

उनको स्थानमा टोटनह्यामले जोसे मोरिन्होलाई ल्याउने तयारी गरेको छ ।

प्रिमियर लिगको १२औं चरण सकिँदा टोटनह्याम १४ अंक सहित १४औं स्थानमा छ । उसले गत जनवरीदेखि अवे मैदानमा जित निकाल्न सकेको छैन । उसले तीन जित, पाँच बराबरी र चार हारको नतिजा निकालेको छ ।

टोटनह्यामले विज्ञप्ति जारी गर्दै बोर्डको गम्भीर छलफलपछि यो निर्णय लिएको क्बलका अध्यक्ष डेनियल लेभीले बताएका छन् ।

सन् २०१४ को मेमा क्लबमा आबद्ध भएपछि पोचेटिन्होले गत सिजन टोटनह्यामलाई च्याम्पियन्स लिगको फाइनलसम्म पु¥याएका थिए । लिभरपुलसँग पराजित हुँदै टोटनह्याम उपविजेतामा सिमित बनेको थियो ।

पोचेटिन्होलाई बर्खास्त गरेपछि सहायक प्रशिक्षक जेसस पेरेज, मिगेग डि अगस्टिनो र एन्टोनी जिमिनेजले पनि क्लब छोडेका छन् ।

यो सिजनको लिग कपमा टोटनह्याम तेस्रो डिभिजनको कोलकास्टरसँग पराजित भयो भने च्याम्पियन्स लिगको समूह् चरणमा पनि बायर्न म्युनिकसँग आफ्नै मैदानमा ७–२ को पराजय भोग्न बाध्य भयो ।

टोटनह्याममा पोचेटिन्होको योगदान

  • साउथह्याम्टनलाई प्रिमियर लिगमा सबैभन्दा राम्रो स्थानमा ल्याउन सफल भएपछि सन् २०१४ मे २८ मा पोचेटिन्हो टोटनह्याममा आबद्ध भएका थिए ।
  • पहिलो सिजनमा टोटनह्यामलाई पाँचौं स्थान दिलाएका पोचेटिन्होले दोस्रो सिजन तेस्रो स्थान दिलाए ।
  • उनी इंग्ल्याण्डमा पेप ग्वार्दिओलालाई इंग्ल्याण्डमा हराउने पहिलो प्रशिक्षक बने । सन् २०१६ को अक्टोबरमा टोटनह्यामले सिटीलाई २–० ले हराएको थियो ।
  • सन् २०१७–१८ को सिजनमा टोटनह्यामलाई प्रिक्वार्टर फाइनलसम्म पु¥याएपछि पोचेटिन्होले उनको सम्झौता पाँच बर्ष थपेको थियो ।
  • गत सिजनको च्याम्पियन्स लिगमा टोटनह्यामलाई पहिलो पटक फाइनलसम्म पु¥याए । त्यसक्रममा आयाक्सविरुद्ध टोटनह्याले उत्कृष्ट कमब्याक गरेको थियो ।
Post Add 1025X115
Loading...