झरीकाेबीचमा गरिएकाे सागकाे पूर्वाधार निरीक्षण कतिकाे काम लाग्ला ?

0

नेपालमा तेस्रो पटक आयोजना हुन लागेको दक्षिण एशियाली खेलकुद प्रतियोगिता (साग) आउन साढे दुई महिनाको समय बाँकी रहेका बेला पूर्वाधार समयमा नै बन्छ की बन्दैन भन्ने ठूलो प्रश्न रहेको छ ।

साग आयोजना सफल रुपमा सम्पन्न पार्ने मुख्य जिम्मेवारी पाएको राष्ट्रिय खेलकुद परिषद्ले समयमा नै सबै पूर्वाधार तयार हुन्छन् भनेर बताइरहेको छ । यस्तैमा संसदको शिक्षा स्वास्थ्य तथा खेलकुद उपसमितिले सागका लागि बनिरहेका खेलकुद पूर्वाधारको निरिक्षण गर्‍याे।

मिति २०७६ भदौ ३१ गते, समय दिउसो साढे एक बजे, झम झप पानी परिरहेकाे थियाे । साढे १२ बजे मन्त्रालय तथा राष्ट्रिय खेलकुद परिषद्का पदाधिकारीलाई पूर्वाधार निरीक्षणका लागि समय छुट्याउन भनिएको थियो । तर ट्राफिकको समस्या देखाउँदै झण्डै एक घण्टा ढिलो गरि संसदको शिक्षा स्वास्थ्य तथा खेलकुद उपसमितिका पदाधिकारी एकपछि अर्को गरि त्रिपुरेश्वरस्थित राष्ट्रिय खेलकुद परिषद्को प्रांगणमा पुगे ।

झमझम पानी परिरहेका बेला उपस्थित भएका एन्फाका पदाधिकारी पनि र राष्ट्रिय खेलकुद परिषद्का सदस्यसचिवदेखि अरु पदाधिकारी कसरी पूर्वाधारको निरिक्षण गर्ने होला भन्दै कुराकानी गरिरहेका थिए । यस्तैमा सुरु भयो पुनर्निर्माण भइरहेको कर्भडहलको भवन । त्यहाँ समितिका संयोजक रहेका जीवनराम श्रेष्ठले परिषद्का पदाधिकारीलाई समितिको बारेमा जानकारी दिनुका साथै सागको पूर्वाधारलाई कसरी चुस्त गरि काम गराउन सकिन्छ भन्नेमा अवलोकन गरेर रिपोर्ट गर्न आएको बताए ।

त्रिपुरेश्वस्थित कवर्डहलबाट सुरु गरिएको निरीक्षण दशरथ रंगशाला, सातदोबाटोको पौडीपोखरी, कराँते हल तेक्वान्दो हल हुँदै सुटिङ रेञ्जमा गएर टुङिएको थियो । सांसदहरुले अनुगममा आँसिक संतोषजनक रहे पनि पूर्णरुपमा भने संतोष हुन नसकेको प्रतिकृया ब्यक्त गरे ।

राखेप कवर्डहलको लाइट र साउण्ड सर्भिस जडान भए पनि रंगरोगनको काम अझै सकिएको छैन । यस्तै दशरथ रंगशालाको पश्चिम तर्फको भिआइपी प्याराफिटको छानो हाल्ने काम पुरै बाँकी रहेको छ भने चेन्जिङ रुम भीआइपी रुम, शौचालय लगायतको भित्री काम अझै सकिन बाँकी छ ।

सातदोबाटोको पौडी पोखरी, सुटिङरेञ्ज, कराँते र तेक्वान्दो हल पूर्ण रुपमा निर्माण भइसके पनि हिटिङ सिस्टमको पौडी पोखरीको ७० प्रतिशत काम मात्र सकिएकोले समिति केही आँशंकित देखियो ।

बाहिर पानी परिरहेकाले कराँते हलमा भने कतै कतै पानी चुहिरहेको थियो । त्यो देखेपछि समितीका संयोजक श्रेष्ठले तत्काल यसलाई मर्मत गर्न आग्रह गरे । जवाफमा सदस्यसचिव सिलवालले त्यसको चिन्ता नर्गन भन्दै यो सबै काम लगायत अरु पूर्वाधारको काम कार्तिक १५ सम्ममा सकिने आश्वासन दिए ।

जुन किसिमको आश्वासन परिषद्ले दियो त्यो हेर्दा पूर्वाधारको काम सहज रुपमा नै सकिन्छ भन्ने जस्तो लागेको छ । तर बोलीको कुरालाई कार्यान्वयन गरेर भनेको समयमा नै काम भने पुरा हुने हो की होइन, त्यो पो चासोको विषय बनेको छ ।

Post Add 1025X115
Loading...