जोकोभिच तेस्रो चरणमा पुग्दा वावरिन्का ओपेल्कासँग स्तब्ध

0

विश्व नम्बर एक नोभाक जोकोभिच विमबल्डन टेनिसको तेस्रो चरणमा प्रवेश गरेका छन् । तीन पटकका ग्राण्डस्लाम च्याम्पियन स्टानिस्लाव वावरिन्का भने अमेरिकी खेलाडी रिली ओपेल्कासँग अविश्वसनीय हार ब्यहोर्न बाध्य भए ।

३२ वर्षे जोकोभिचले अमेरिकाका डेनिल कुड्लालाई ३–० को सोझो सेटमा पराजित गरे । छनोट चरण पार गरेर आएका कुड्लालाई हराउनका लागि जोकोभिचले जम्मा एक घण्टा ३३ मिनेट खर्चिए । जोकोभिचले ६–३, ६–२ र ६–२ को जित निकाले ।
स्टान वावरिन्का भने पाँच सेटको भिडन्तमा ओपेल्कासँग पराजित भए । तेस्रो सेटसम्म अग्रता लिएका वावरिन्काले अन्तिमको दुई सेट गुमाउँदा ३–२ ले पराजित हुन पुगे ।

६ फिट एघार इन्च अग्ला खेलाडी ओपेल्काले पहिलो सेटमा नै ७–५ को अविश्वसनीय जित निकाले । त्यसपछिको दुई सेटमा वावरिन्का ३–६ र ४–६ ले विजयी भएपछि तेस्रो सेटअघि वावरिन्काले २–१ को अग्रता लिए ।

चौथो सेटमा ओपेल्काले ६–४ को जित निकालेपछि खेल पाँचौं सेटमा धकेलियो । अन्तिम खेलमा ओपेल्का ८–६ ले विजयी हुँदै अन्चिम ३२ मा स्थान सुरक्षित गरे ।

Post Add 1025X115
Loading...