आईसीसी विश्वकप जित्नेले बास्तविक ट्रफी पाउँदैनन् !

0

एजेन्सी, ३ जेठ । आईसीसी विश्व कप ट्रफीको इतिहास पनि रमाइलो छ । १९७५देखि १९९६ सम्म खेलिएका सुरुका ६ संस्करणलाई आईसीसी विश्व कप भनिएन ।

त्यतिबेला जुन कम्पनीले प्रायोजन गर्थे उसैको नाममा ट्रफी हुन्थ्यो । इंग्ल्याण्डले १९९९ मा आयोजना गरेको विश्वकप पछि ट्रफीले नयाँ रुप लिएको हो । त्यसपछि आईसीसी ट्रफी नामाकरण गरियो ।

आईसीसी विश्व कप ट्रफीको डिजाइन सुन र चाँदीबाट गरिएको छ । ट्रफीको माथिल्लो भागमा सुनको ग्लोब (पृथ्वी) जस्तो बनाइएको छ । यसको दुई तिर चाँदीले बनेका तीन तीन स्तम्भले अड्याएका छन् ।

चाँदीले बनेको स्तम्भ विकेट र बेलको आकारको छ । जसले क्रिकेटका तीन विशेषता बुझाउँछ । जसमा व्याटिङ, बलिङ र फिल्डिङ बुझाउँछ । ट्रफीको बेस भने बलियो काठले बनेको छ । ट्रफी बनाउन सुन, चाँदी र काठ प्रयोग गरिएको छ । जसको उचाई ६० सेन्टी मिटर छ भने उचाई ११ केजी रहेको छ ।

विजेताले भने असली ट्रफी भने पाउँदैनन् । विजेतलाई ट्रफीको रिप्लिका (प्रतिलिपी) दिइन्छ । वास्तविक ट्रफी आईसीसीको मुख्यालय दुबईमा राखिएको छ ।

आईसीसी वल्ड कपको इतिहासमा सबैभन्दा महँगो ट्रफी रिलायन्सले प्रयोजन गरेको बेलाको हो । १९८७ मा रिलायन्स ट्रफीको निर्माण भारतको जयपुरमा गरिएको थियो । यो विश्वकै महँगो सुनको ट्रफीमा गनिन्छ ।  सुरुआती ६ संस्करणमा ट्रफीलाई विभिन्न नामले संवोधन गरिन्थ्यो ।

१९७५ प्रूडेन्सियल कप
१९७९ प्रूडेन्स्यिल कप
१९८३ प्रूडेन्सियल कप
१९८७ रिलायन्स कप ट्रफी
१९९२ वेसन हेसेज कप
१९९६ विल्स ट्रफी र
१९९९ देखि हालसम्म आईसीसी ट्रफी । एजेन्सीकाे सहयाेगमा 

Post Add 1025X115
Loading...