ब्याट्सम्यानले छक्का चाैका हान्दा टाउकोको हेलमेट फुटाउँ जस्तो लाग्छ– सोमपाल (भिडियो)

0

युएईविरुद्धको दोस्रो एकदिवसीय क्रिकेटमा ब्याटबाट रोहित पौडेलले कमाल गर्दा बलबाट सोमपाल कामीले जादु देखाए । उनीहरु एकदमै मिल्ने साथी पनि हुन् । उमेरले केही कान्छो भएकाले रोहितले सोमपाललाई दाई र सोमपालले रोहितलाई भनेर सम्बोधन गर्छन् । आजको खेलका दौरान ती दुईका बीचमा बाजी नै थियो ।

जितकाे खुसी ?

एक दिवसीय क्रिकेटमा प्लान अनुसार खेल्नु पर्छ । हिजोको प्लान अनुसार १० ओभर भित्र विकेट गुम्यो भने म वान डाउन जान्छु भनेर । म बलर भएकाले पनि हिजो कस्तो सट खेल्ने भनेर राम्रोसँग बुझेको थिए । त्यसैगरी हिजोको विकेट एकदमै टफ थियो । हिजो हामीले १५० रन मात्रै बनाएको भए हामीले पहिलो खेल पनि जित्न सक्ने थियौं । हिजो हामीले ११३ रन पनि करिब करिब सेभ गरेका थियौं । हिजो जीतेको भए पनि त्यतिधेरै खुसी हुने ठाउँ थिएन् । आजको जीत भनेको सबैभन्दा अविश्मरणीय रहने छ । आजको जीतमा मेरो बलिङले गर्दा मात्रै होइन पुरै टिमले राम्रो खेलेर राम्रो नतिजा हात पार्न सफल भयौं । हामीले झण्डै २५० को लक्ष्य दिने प्लान हामीले गरेका थियौं । त्यसैअनुसार हामीले काम पनि ग¥यौं । त्यसैका आधारमा हामी सफल भयौं त्यसैले एकदमै खुसी छु ।

सुरुमै चार विकेट लिए पछि त मनोबल पनि बढ्यो होला ?

त्यस्तो केही हुँदैन । मुभेन्टम माथि हुन्छ । पावर प्लेमा धेरै भन्दा धेरै विकेट लिएपछि खेलमा त्यसै हावी हुन सकिन्छ । एकातिरबाट विकेट लिँदै जाने हो भने अरु बलरलाई पनि सजिलो हुन्छ । तर व्याट्सम्यानलाई भने अप्ठेरो पर्छ । त्यसैले आफ्नो मुभेन्टम छाड्नु हुँदैन । बलिङमा शुरुको प्लान के थियो ? हिजोको जस्तो विकेट थिएन । हिजोको विकेट अनुसार आज स्वीङ हुन्छ जस्तो लागेको थियो । तर आजको विकेट स्लो थियो । पहिलो ओभरको शुरुका बलमा पिचिङको आईडिया नहुँदा मैले रन खाए । त्यसपछि ज्ञानेन्द्र र रोहितको सल्लाह अनुसार हल्का अगाडि बल फाल्दा ब्याट्सम्यानलाई अप्ठेरो पर्छ भनेपछि त्यस्तै गरे ।

ब्यक्तिगत सफलतालाई कसरी लिनुहुन्छ ?

एकदमै खुशी लाग्छ । मैले पाँच विकेट लिनु भन्दा पनि टिमले जित्यो त्यो ठूलो कुरा हो । हिजो हामी पराजित हुँदा एकदमै नराम्रो लागेको थियो । तर आज जितेपछि एकदमै खुसी छु । हामीले एक दिवसीय मान्यता पाएपछि हामी माथि प्रेसर पनि छ । एक दिवसीय मान्यतालाई टिकाइ रहनका लागि पनि ।

तपाईको भूमिका कुन ठाउँमा उत्कृष्ट हुन्छ ?

हिजो ब्याटिङ गर्दा पनि सजिलै गरे । आज पनि बलिङ राम्रो गरे । मलाई टिमले दिने जुन कुनै भूमिका पनि निर्वाह गर्न सक्छु । आवश्यकता परे ब्याटिङ नै किन नहोस । अब मेरो ध्यान भनेको तेस्रो खेलका लागि छ । हिजो मेरो जिम्मेवारी भनेको विकेट टिकाउनु थियो टिकाए । आज विकेट लिनु थियो लिए । जस्तो भूमिका हुन्छ त्यस्तै गर्छु ।

जर्सी मम्वर किन चेन्ज  गरेकाे हाेला ?

म सचिन तेन्दुलकरको ठूलो फ्यान हुँ । १० नम्बर जर्सी सचिनले लगाउने गर्थे । मैले अहिलेसम्म सचिनलाई भेटेको छैन । जतिबेला क्रिकेट शुरु गरे मैले उहाँलाई नै देखेर शुरु गरेको हो । त्यसैले मैले १० नम्बर जर्सी लगाए । अहिले १ नम्बरकोज जर्सी कसरी आयो त्यो त मलाई पनि थाहा छैन । ‘बट नम्बर वान इज लक्की फर मी ।’

रोहितको उपलव्धीलाई कसरी हेर्नुहुन्छ ?

रोहित करण र म एकदमै क्लोज छौं । उसले रन बनाउँदा मलाई एकदमै खुसी लाग्छ । आज ब्याटिङ गर्न जाँदा मैले भनको थिए, आज ५० हान्यौं भने खाजा मेरो तर्फबाट । आज ५० हानेको ब्याट पनि मैले दिएको हुँ । त्यसपछि मैले बलिङ गर्दा रोहितले आएर भन्यो दाई तपाईले पाँच विकेट लिनु भयो भने मेरो तर्फबाट लन्ज भनेका थिए । त्यसैले हामी एकदमै मिल्ने पनि गर्छौ ।

भिडियो

Post Add 1025X115
Loading...