उपविजेता क्रोएसियालाई जाग्रवमा भब्य स्वागत

0

नेप्लेज, १ साउन । विश्वकपमा उत्कृष्ट प्रदर्शन गरेर उपविजेता बनेको क्रोएसियालाई राजधानी जाग्रेबमा समर्थकले भब्य स्वागत गरेका छन् ।

समर्थकको विशाल समूह क्रोएसियाको झण्डा तथा रातो र सेतो कोठे जर्सी लगाएर टिमको स्वागतमा उपस्थित थिए । फाइनलमा फ्रान्ससँग पराजित भएपनि समर्थकले ‘च्याम्पियन–च्याम्पियन’ भन्दै नारा लगाएका थिए ।

देशको फुटबल लागि अहिलेसम्मकै सबैभन्दा ठूलो उपलब्धि दिलाएका खेलाडीलाई जाग्रेबको सेन्ट्रल स्क्वायरमा जाग्रेब बाहिरबाट पनि उल्लेख्य मात्रा समर्थकको सहभागिता थियो । फ्यानहरुलाई जाग्रेब आउन सहज होस् भनेर रेलवे कम्पनीले टिकटको मूल्य आधा घटाएको थियो ।

छत नभएको बसमा सवार खेलाडीले नगर परिक्रमाका क्रममा समर्थकलाई अटोग्राफ दिएका थिए ।
क्रोएसियाका प्रधानमन्त्री एन्द्रे प्लेन्कोभिचले राष्ट्रलाई ठूलो उपलब्धि दिएकोमा गौरव ब्यक्त गरे । ‘क्रोएसिया टिमले विश्वकपमा गरेको प्रदर्शनले हामीलाई गर्व लागेको छ । सुन्दर फुटबलका लागि धन्यवाद ।’ प्रधानमन्त्री प्लेन्कोभिचले ट्वीट गरे ।

Post Add 1025X115
Loading...